Hicri qəməri 1445-ci il Ramazan ayının 15-i, miladi 2024-cü il mart ayının 26-ı həzrət Peyğəmbərin (sallallahu əleyhi və alih) ilk nəvəsi və qəlbinin nuru, Əhli-beytin (əleyhimussəlam) kəramətli övladı, cənnət cavanlarının sərvəri, imam Həsən Muctəba əleyhissəlamın təvəllüd günüdür

İlahi! Bu gün məni xəta və çaşqınlıqlarıma görə müaxizə etmə; xəta və süstlüyümün üzrünü qəbul et; məni bəlalara və fəlakətlərə hədəf tutma

İlahi, ey Ramazan ayının Rəbbi! Bu ayda Quranı nazil və oruc tutmağı bəndələrinə vacib etmisən. Peyğəmbər və onun Əhli-beytinə salam və rəhmət göndər

Ey uca, ey əzəmətli, ey bağışlayan, ey rəhm edən! Sən böyük Allahsan; heç bir bənzəri olmayan, Allahsan; hər şeyi eşidən və görən Allah. Bu ay Sənin bütün aylardan əzəmətli və kəramətli etdiyin, şərafətli və üstün tutduğun bir aydır

İlahi! Bu gün məni günahların çirkinliyi və pisliyində pak et; və qarşıya gələn xeyir, şərr və qəza müqabilində mənə səbir və dözüm ver; məni təqvalı olmağa və yaxşı insanlarla yoldaşlıq etməyə müvəffəq et

İlahi! Bu gün məni eyiblərin örtülməsi və iffətli olması ilə zinətləndir; mənə qənaət və kifayət libasını geyindir

İlahi! Bu gün məni ehsan və yaxşı əməllərə rəğbətləndir, məndə günah və pis işlərə qarşı ikrah yarat, mənə qəzəb və cəhənnəm atəşini haram et

İlahi! Bu gün Sənə təvəkkül edənlərdən olum; Sənin hüzurunda nicat tapanlardan olum; məni Özünə yaxın bəndələrdən et