“İlahi! Bu gün mənim səyimi bəyənilmiş, günahımı bağışlanmış, əməlimi qəbul olunmuş və eybimi örtülmüş qərar ver. Ey eşidənlərin ən yaxşı eşidəni!

“İlahi! Məni bu gün dostlarını istəyən, düşmənlərini düşmən bilən, sonuncu Peyğəmbərin din və şərəfini üstün tutub, ona gözəl əməl edənlərdən qərar ver! Ey peyğəmbərlərin qəlblərini hər bir sıxıntı və sapqınlıqdan qoruyan Allah!

“İlahi! Bu gün Səndən, Səni razı salan əməlləri istəyirəm və Səni qəzəbləndirən əməllərdən Sənə pənah aparıram. Səndən istəyirəm ki, bu gün məni, Sənə itaət etməyə və günahdan çəkinməyə müvəffəq edəsən. Ey hacəti olanlara qarşı səxavətli Allah!

“İlahi! Bu əziz gündə mənim günahlarımı yu, qəlbimi çirkin və eyibli işlərdən təmizlə, qəlbimə təqvalı qəlblərin rütbəsini əta et, Ey günahkarların tövbəsini qəbul edən!

İlahi, Sənin canişinin (nümayəndən) Hüccət ibn-Həsənə (imam Zamana) (ona və əcdadına salam və salavatın olsun) indi və hər bir an himayəçi, gözətçi, rəhbər, köməkçi, yolgöstərən və gözü ol! O vaxta qədər ki, öz məsləhətinlə onu yer üzündə sakin edəsən və onu uzun müddət faydalandırasan

“İlahi! Bu gün Öz ehsan və kərəm qapılarını mənim üzümə aç və bərəkətini mənə nazil et, məni bu gün Sənin razılığına səbəb olan əməlləri yerinə yetirməyə müvəffəq et və cənnətinin ən gözəl yerində məskunlaşdır. Ey çarəsizlərin duasını qəbul edən!

“İlahi! Bu gün Öz istəkli əməllərinin yolunu mənə göstər, şeytanın istədiyi yolları mənim üzümə bağla və onu mənə qalib etmə, məni cənnətdə məskunlaşdır və onu mənim üçün bir məskən qərar ver. Ey ehtiyaclı olan bəndələrin ehtiyacını ödəyən!

“İlahi! Bu gün mənim üçün Behişt qapılarını aç və cəhənnəm qapılarını bağla, məni Quran oxumağa müvəffəq et. Ey möminlərin qəlblərini aram edən!