İlahi! Bu gün məni saleh əməllərə yönəlt və mənim bütün arzu və hacətlərimi həyata keçir; Ey, sual və şərhə ehtiyacı olmayan Allah! Ey aləmlərin (xəlqin) qəlbində olanları bilən! Muhəmməd və onun pak Əhli-beytinə salam və salavat göndər

İlahi! Bu gün məni yaxşı və layiqli insanlarla müvafiq olub dostluq etməyə müvəffəq et və pis insanlardan uzaqlaşdır, Öz rəhmətinlə məni əbədi məkan olan Behiştdə sakin et, Səni İlahiyyətin və məbudluğuna and verirəm, ey aləmlərin Rəbbi

Həzrət Əli ibn Huseyn Zeynul-Abidin imam Səccad əleyhissəlamın möhtəşəm “Səhifəi-Səccadiyyə” kitabında mübarək Ramazan ayının gəlişi münasibətilə qeyd olunan 44-cü duası

İlahi! Bu gün Sənə müti olub xüşu ilə ibadət edənlərin itaətini mənə nəsib et, təvazökar və tövbə edən bəndələrin kimi qəlbimi genişləndir, Öz aman verməyinlə, ey ürəkləri qorxanlara aman verən

Hicri qəməri 1446-cı il Ramazan ayının 15-i, miladi 2025-ci il mart ayının 16-ı həzrət Peyğəmbərin (sallallahu əleyhi və alih) ilk nəvəsi və qəlbinin nuru, Əhli-beytin (əleyhimussəlam) kəramətli övladı, cənnət cavanlarının sərvəri, imam Həsən Muctəba əleyhissəlamın təvəllüd günüdür

İlahi! Bu gün məni xəta və çaşqınlıqlarıma görə müaxizə etmə; xəta və süstlüyümün üzrünü qəbul et; məni bəlalara və fəlakətlərə hədəf tutma; Öz cəlal və qüdrətinin haqqına, ey müsəlmanlara izzət bəxş edən

İlahi, ey Ramazan ayının Rəbbi! Bu ayda Quranı nazil və oruc tutmağı bəndələrinə vacib etmisən. Peyğəmbər və onun Əhli-beytinə salam və rəhmət göndər, bu il və hər ildə öz evinin ziyarətini mənə nəsib et və mənim o böyük günahlarımı bağışla

İlahi! Bu gün məni günahların çirkinliyi və pisliyində pak et; və qarşıya gələn xeyir, şərr və qəza müqabilində mənə səbir və dözüm ver; məni təqvalı olmağa və yaxşı insanlarla yoldaşlıq etməyə müvəffəq et; Öz köməkliyinlə, ey miskinlərin gözlərinin şadlığı və nuru