Həzrət Əli ibn Huseyn Zeynul-Abidin imam Səccad əleyhissəlamın möhtəşəm “Səhifəi-Səccadiyyə” kitabında mübarək Ramazan ayının gəlişi münasibətilə qeyd olunan 44-cü duası

İlahi! Bu gün məni eyiblərin örtülməsi və iffətli olması ilə zinətləndir; mənə qənaət və kifayət libasını geyindir; məni ədalətli və insaflı olmağa müvəffəq et; məni qorxduğum işlərdən amanda saxla; Öz mühafizənlə, ey Qiyamət xofunda olanların qoruyucusu

İlahi! Bu gün məni ehsan və yaxşı əməllərə rəğbətləndir, məndə günah və pis işlərə qarşı ikrah yarat, mənə qəzəb və cəhənnəm atəşini haram et! Sənin köməkliyinlə, ey pənahsızların ən ulu pənahı

İlahi! Bu gün Sənə təvəkkül edənlərdən olum; Sənin hüzurunda nicat tapanlardan olum; məni Özünə yaxın bəndələrdən et. Öz ehsanınla, ey sevənlərin son arzusu

Salam olsun sənə, ey möminlərin anası, Salam olsun sənə, ey Seyyidul-Mursəlinin xanımı! Salam olsun sənə, ey dünya və axirət qadınlarının xanımı Fatimeyi-Zəhranın anası! Salam olsun sənə, ey ilk möminə qadın!

Hicri qəməri 1446-cı il ramazan ayının 10-u, miladi 2025-ci il mart ayının 11-i həzrət Rəsulullahın (sallallahu əleyhi və alih) sevimli və vəfalı həyat yoldaşı, Fatimei-Zəhranın (əleyhasəlam) əziz anası, Haşimi qəbiləsinin himayədarı, iftixarlı “Möminlər anası” məqamının kamil nümunəsi xanım Xədicəi-Kubranın (əleyhasəlam) vəfatının ildönümüdür

İlahi! Bu gün mənə Öz geniş rəhmətindən tam nəsib əta et və məni aydın, qüdrətli bürhan və nur saçan dəlillərinlə hidayət et, mənim alnımdan tutub Öz istədiyin və razılığına səbəb olan əməllərə sövq ver; Öz məhəbbətinlə, ey müştaqların və həsrət çəkənlərin arzusu

Allahın adı ilə! Pərvərdigara, Səndən ötrü oruc tutduq və Sənin verdiyin ruzi ilə iftar açdıq. Belə isə, onu bizdən qəbul et, çünki Sən hər şeyi eşidən və bilənsən