اگر جس جگہ سے پانی ٹپک رہا ہے اس جگہ کے نجس ہونے کا یقین نہ ہو ، تو جو پانی ٹپکا ہے وہ پاکی کے حکم میں ہے ، لیکن اگر اس جگہ کے نجاست کے بارے میں یقین ہو ، تو جو پانی ٹپک رہا ہے  اور  وہ کپڑے یا بدن پر لگ جائے تو وہ نجس ہے۔

شراب پینے سے ، انسان مجنب نہیں ہوتا، اور اس پر غسل واجب نہیں ہے ، لیکن شراب نجس  اور اس کا پینا حرام ہے ، اگر کوئی انسان  شراب پی لے تو اسے چاہئے فورا توبہ کریں، اگر توبہ نہ کرے تو چالیس دن تک اس کی نمازیں قبول نہیں ہے ، لیکن پھر بھی اسے نماز یں پڑھنا چاہئے اور واجب  ہے ۔

بسمه تعالی
سلام علیکم
اگرچہ نماز کو ترک کرنا حرام ہے اوربڑا گناہ ہے لیکن جو شخص مسلمان ہے لیکن نماز نہیں پڑھتا ہے اس کے ساتھ کھانا کھانے میں کوئی اشکال نہیں ہے اور یہ حرام بھی نہیں ہے۔
اسی طرح اگر کوئی مسلمان جو نماز نہیں پڑھتا ہے وہ مر جائےتو اسے غسل اور کفن دینا واجب ہے اور اسے مسلمانوں کے قبرستان میں دفن کرنے میں کوئی اشکال نہیں ہے، اور کسی مسلمان کو اگرچہ وہ نماز نہیں پڑھتا ہو کفار کے قبرستان میں دفن کرنا حرام ہے۔
یہ دونوں حدیث کسی بھی معتبر کتاب میں موجود نہیں ہے ، اور دوسری حدیث جامع الاخبار میں مرسل طور پر نقل ہوا ہے ، اور ان دو روایات کےمقابلہ میں مسلمان کےغسل اور کفن واجب ہونے کے بارے میں صحیح روایات موجود ہیں ، اس روایت کو نماز کی اہمیت کو بیان کرنےپر حمل کیا جا سکتا ہے ،لیکن اس حدیث پر عمل نہیں ہوا ہے اور بی نماز انسان کے ساتھ کھانا کھانے کے بارے میں جو روایت ہے وہ کراہت پر حمل ہوتا ہے۔

بسمه تعالی

سلام علیکم

 کفن کے اسے حصے پر جس سے آیات قرآن کی بی احترامی نہ ہوتی ہو وہاں پر قرآن لکھنے میں کوئی اشکال نہیں ہے اور یہ اچھا بھی ہے  اس میں فرق نہیں کہ ہاتھ سے لکھا جائے یا اس پر قرآن کریم کی آیات پرنٹ کر لے۔

اگرنماز کے بعد وضو کے اعضاء میں سے ایک پر کوئی مانع وضو چیز نظر آئے ،چنانچہ اگر اس کو یقین نہ ہو کہ یہ وضو سے پہلے تھا بلکہ یہ احتمال دیتا ہو وضو کے بعد یہ چیز وہاں لگی ہے ، ا س صورت میں اس کا وضو اور اس وضو کے ساتھ جو نمازپڑھا ہے صحےح ہے ،لیکن اگر اسے یقین ہو کہ وضو کرتے وقت یہ چیز اعضاء وضو پر تھی، تو اس کا وضو اور اس وضو کے ساتھ جو نماز پڑھی ہے دونوں باطل ہے ، اسے چاہئے کہ دوبارہ وضو کر کے نماز کو دوبارہ پڑھ لیں ۔