Verilən suala əsasən musiqi, ləhv musiqisi olduğundan, (kef, əyləncə və eyş-işrət məclisində çalınan musiqi) caiz deyildir. Bəlkə onun haramlığı, yəni haram olması, Əhli-Beyt (ə) zikr olunan məclislərdə daha şiddətlidir. Hər bir halda sizin yazdığınız formada olarsa ləhv musiqisi sayılır o da haramdır.

Bismilləhir-Rahmənir-Rahim

Salamun aleykum və rahmətullah

İlk olaraq ərinin olub-olmamasını soruşmalısınız. Əgər desə ərim yoxdur siğə edə bilərsiniz vaxtı və mehriyyəni müəyyən edin və siğəni oxuyun! Əlbəttə əgər bakirə olsa, ehtiyat-vacibə görə atasının razılığı şərtdir, amma əgər dul olsa, siğə və nigah düzdür.

Siz onun övladı həzrət Ayətullah Şeyx Cavad Lənkəraninin icazəsi ilə bütün məsələlərdə həzrət Ayətullah əl-uzma Fazil Lənkəraninin təqlidində qala bilərsiniz .

Onun övladı həzrət ağanın müqəllidlərinə icazə vermişdir ki, bütün məsələlərdə öz təqlidlərində qala bilərlər. Həmin icazəyə uyğun siz də Şeyx Cavad Lənkəraninin icazəsi ilə qəsd edin öz təqlidinizdə həzrət Ayətullah əl-uzma Fazil Lənkəranidə qalın. Sizin təqlidinizdə qalmağınız düzdür və onun risaləsinə uyğun əməl edə bilərsiniz. Bunun üçün məxsus bir iş lazım deyil. Təqlid hökmündə ölü müctehidə baqi qalmaq bütün müctehidlər tərəfindən caizdir. Bu zaman, əgər sizin nəzərinizdə Ayətullah Fazil Lənkərani (r ə) bütün müctehidlərdən ə`ləm (daha elimli) olsa onda baqi qalmağınız və onun risaləsinə əməl etməniz lazımdır. Deməli nə qədər ki, diri müctehidlərdən daha ə`ləmini tapa bilməmisinizsə Ayətullah Fazil Lənkəranidə baqi qalmalısınız, amma əgər Fazil Lənkəranidən ə`ləm olan diri bir müctehidə rast gəlsəniz daha Fazil Lənkəraniyə təqlid edə bilməzsiniz və hənim diri müctehidə təqlid etməlisiniz.

Yemək yeyib su içməniz orucunuzu batil edir və ayri bir vaxtda onun qəzasın bir gün yerinə yetirin! Amma ixtiyarsiz olaraq məni xaric olursa insanın özü də məninin xaric olmasını istəmirdisə oruc batil olmur.Bunuda bilməlisiniz ki, insandan xaric olan hər bir yaşlıq (rütubət) məni deyildir.

Xaric olan maye üç şərtlə məni sayılır:

1.Siçrayış və atıcılıqla xaric olsun

2.Ləzzət və şəhvətlə xaric olsun

3.Xaric olandan sonra bədəni süstləşsin

Amma qadın və xəstədə lazım deyil ki, onun bədəni halsiz olsun ya atıcılıqla xaric olsun, sadəcə şəhvət və ləzzətlə xaric olarsa məni hökmündədir.

Əgər insandan maye xaric olsa və bu xaric olan mayenin məni, sidik,və ya başqa bir sey olduğunu bilməsə,beləki o dediyimiz uç əlamətin heç biri, ya onlardan bəziləri olmasa, məni hökmündə deyildir və qüsl vermək də lazım deyil. Bədən və paltarı da nəcis etməz, dəstəmazı da batil etməz.