مرداور عورت پر واجب ہے کہ نمازکی تیسری اور چوتھی رکعت میں حمد یا تسبیحات اربعہ کو آہستہ پڑھے ۔

اگر اپنی قضا ہونے والی نمازوں کی ترتیب کو جانتا ہو تو احتیاط واجب یہ ہے کہ اسی ترتیب سے پڑھے جس ترتیب سے قضا ہو‏ئی ہے،لیکن اگر قضا نمازوں کی ترتیب کو نہیں جانتا ہو تو ترتیب سے پڑھنا ضروری نہیں لیکن نماز ظہروعصر اورنماز مغرب وعشاء کے درمیان ترتیب کو رعایت کرنا چاہئے ،اور اگر تمام نمازوں کو ترتیب کے ساتھ قضا پڑھیں تو بہتر ہے ۔

یہ بات بھی قابل توجہ ہے کہ اگر وطن میں چاررکعتی نماز قضا ہوئی ہے،تو اس کی قضا چار رکعت ہی پڑھنی چاہئے ،اور اگر سفر میں قضا ہوئی ہے تو دو رکعت قضا پڑھنی چاہئے ۔

جب آپ دیکھیں کہ کچھ مومنین اس امام جماعت کی اقتدا کر رہے ہیں تو اس کے پیچھے نماز پڑھنا جائز ہے ، مگر یہ کہ آپ کو یقین ہوجائے کہ اس میںامام جماعت کی شرائط موجود نہیں ہے تو اس وقت اس کے پیچھے نماز پڑھنا جایز نہیں ہے ۔

جس شخص کے ذمہ پر قضا روزہ واجب ہو وہ مستحبی روزہ نہیں رکھ سکتا ،نیمہ شعبان کو قضا کی نیت سے روزہ رکھیںتو انشاء اللہ اس دن کے روزہ کا ثواب بھی ملے گا ۔