جواب:حضور قلب کے چند درجات ہیں ،جس کا خلاصہ یہ ہے کہ نماز میں آپ متوجہ رہیں کہ آپ کس سے مخاطب ہے اور کس سے بات کر رہا ہے ،اور کس کے سامنے مناجات کے لئے کھڑا ہے ، ایک طرف خدا کی عظمت اور بزرگی کو اور دوسری طرف اپنے چھوٹے ہونے اور  کامل طور پر نیازمند ہونے اور کمزور ہونے کو درک کریں ، اگر اس حالت کے ساتھ نماز پڑھیں تو ضرور حالت خضوع و خشوع پیدا ہو گا۔

نماز میں خضوع و خشوع نہ ہونا انسان کی غفلت اور اہمیت نماز اور خدا کی عظمت سے بے توجہ ہونے کی وجہ سے ہے ۔

اس حالت کو ختم کرنے کے لئے ان چند چیزوں کی رعایت ضروری ہے :

1۔ خدا وند متعالی کی عظمت پر توجہ دین اور کبھی بھی جلدی جلدی میں نماز نہ پڑھیں اور حالت نماز میں خدا کی یاد میں رہے اور اس بارے میں سوچیں کہ کس کے مقابل میں کھڑا ہے ، اور کس سے بات کر رہا ہے اور خود کو خداوند عالم کے بزرگی اور عظمت کے مقابلہ میں بہت ہی چھوٹا تصور کریں۔

2۔جان لو کہ نماز دین کا ستون ہے اگر یہ قبول ہو جائے تو دوسرے تمام اعمال قبول ہے اور اگریہ قبول نہ ہو جائے تو دوسرے اعمال بھی قبول نہیں ہے ۔

3۔ گناہ سے پرہیز کریں۔

4۔ حرام لقمہ سے اجتناب کریں۔

5۔قرآن اور معتبر دعاوں کو زیادہ سے زیادہ پڑھیں۔

6۔جہاں تک ہو سکے نمازوں کو اول وقت میں مسجد میں جماعت کے ساتھ پڑھیں ،نماز کی مستحبات جیسے صفائی ، عطر لگانا، دھلے ہوئے کپڑے پہننا ،جانماز پچھا کر نماز پڑھنا اور ہر وہ چیز جس نماز کو اہمیت دینے کی نشانی میں سے ہے انہیں انجام دیں ، انشاء اللہ خداوند آپ کو توفیق عنایت فرمائے گا کہ نماز میں حضور قلب پیدا کرے۔

یہ مسئلہ کہ ہم کیوں نماز پڑھیں؟ ، یہ کیا خود ہماری ضرورت ہے ، اور خداوند متعالی کو ہماری اس نماز کی کوئی ضرورت نہیں ہے ، لیکن ہمیں  نماز پڑھنے اور خداوند متعالی کی عبادت کرنے ضرورت  اس وجہ سے ہےتا کہ ہم  کمال کے درجہ پر پہنچ جائے ۔

لہذا خلاصہ کے طور پر ہم یہ بتا سکتے ہیں کہ : ہماری نماز پڑھنے کی چند دلائل ہیں :

الف: نماز پڑھنے کے بارے میں خدا کا حکم ہے ، اس نے حکم دیا ہے اوربندہ پر واجب ہے کہ بغیر کسی اشکال اور اعتراض کے خداوند متعالی کی حکم کا اطاعت کرے ۔

ب: ہر انسان اپنی زندگی میں کسی ایسی ہستی کا محتاج مند ہے جو مشکلات  کے وقت  اس کا پناہ گا ہو ، اور بشر کے لئے سب سے بہترین پناہ گاہ خداوند متعال پر اعتقاد اور اس پر ایمان رکھنا ہے ، لہذا مومن انسان خدا کے ساتھ اپنی زندگی میں ایک خاص قسم کی آرامش کا احساس کرتے ہیں جس سے غیر مومن انسان محروم ہیں ، وہی مہربان خدا جس نے  ہماری پوری زندگی میں بچپنے سے لے کر حتی کہ ماں کے پیٹ سے لے کر ، زندگی کے آخرین لحظات تک بے کراں نعمتوں  سے نوازا ہے ، اس نے ہمیں یہ اجازت دی ہے کہ خود سے بات کرے ، اور یہ بات کرنا اور مناجات ، ہماری ضروریات میں سے ہے ، ورنہ خود وہ تو ہر چیز اور ہر شخص سے بے نیاز ہے ، اور یہ خالق ہستی سے بات کرنا نماز کے وقت ہے ، کہ ہم اس کی ستايش کرتے ہیں اور اس سے یہ درخواست کرتے ہیں کہ ہماری مدد کرے اور صحیح راستہ کی طرف ہماری راہنمائی فرمائے ، اور اس کام کو عقل ہمارے اوپر واجب قرار دیتا ہے کیونکہ  عقل کہتا ہے نعمت دینے والے کا شکر ادا کرنا واجب اور لازم ہے، اسی وجہ سے ہم یہ کام انجام دیتے ہیں ، بہر حال نماز ، انسان کا خدا سے ارتباط کا رمز اور انسان کے کمال تک پہنچنے کا وسیلہ ہے ، اور یہ انسان پر واجب قرار دیا گیا ہے تا کہ اس طریقہ سے انسان زیادہ سے زیادہ کمال  کے درجہ تک  پہنچ جائے ۔

ج: نماز؛ خداوند متعال کا شکر یہ ادا کرنا ہے ، ان مختلف نعمتوں کے مقابلہ میں جو ہمیں عطا ہوئی ہے ، عقلی اور شرعی لحاظ سے ولی نعمت کا شکریہ ادا کرنا واجب ہے ۔

د: خلقت انسان کا ہدف ، آفرینش کے کمال تک پہنچنا ہے ، اور کمال تک پہنچنا اور مقام قرب خداوندی پر فائز ہونا اور عالم آخرت میں خداوند متعالی کے نعمتوں سے مستفید ہونے کا راستہ خدا سے ارتباط کرنا اور خداوند متعالی کی عبادت ہے ، اسی وجہ سے قرآن کریم میں فرمایا ہے کہ «و ما خلقتُ الجنّ و الإنس إلا ليعبدون»؛ اور میں نے جنات اور انسانوں کو صرف اپنی عبادت کے لئے پیدا کیا ہے ۔

خدا سے ارتباط کا سب سے اہم وسیلہ اور سب سے اہم عبادت خداوندی، نماز ہے ، کہ نماز میں انسان مستقیم طور پر خدا سے بات کرتا ہے اور خدا سے گفتگو کرتا ہے ۔

ہ: پانچ وقت کی نماز يں ، گناہوں کا کفارہ ہے جو دو نمازوں کے درمیان انسان سے انجام پاتا ہے ، اگر کوئی قبولی اور صحت کے شرائط کو رعایت کرتے ہوئے پانچ وقت کی نماز ادا کرے اور لوگوں کے حقوق بھی ادا کرے ، خداوند متعال بھی نماز کی وجہ سے اس کے گناہوں کو بخش دیتا ہے ۔

امیر المومنین علیہ السلام  سے نقل ہوا ہے: «قَالَ(ع) سَمِعْتُ رَسُولَ اللَّهِ(ص) يَقُولُ إِنَّمَا مَنْزِلَةُ الصَّلَوَاتِ الْخَمْسِ لِأُمَّتِي كَنَهْرٍ جَارٍ عَلَى بَابِ أَحَدِكُمْ فَمَا ظَنُّ أَحَدِكُمْ لَوْ كَانَ فِي جَسَدِهِ دَرَنٌ ثُمَّ اغْتَسَلَ فِي ذَلِكَ النَّهْرِ خَمْسَ مَرَّاتٍ فِي الْيَوْمِ أَ كَانَ يَبْقَى فِي جَسَدِهِ دَرَنٌ فَكَذَلِكَ وَ اللَّهِ الصَّلَوَاتُ الْخَمْسُ...»؛

آپ ( ع) نے فرمایا میں نے رسول خدا صلی اللہ علیہ و آلہ وسلم سے سنا کہ آپ فرما رہے تھے : میری امت کے لئے پانچ وقت کی نمازیں  پانی کی جاری ایک نہر کی طرح ہے ، جو آپ میں سے کسی ایک کے دروازہ کے پاس ہو ، کیا یہ گمان ہو سکتا ہے کہ اگر بدن  گندھا ہو اور دن میں پانچ مرتبہ اس نہر سے نہا لیں ، کیا اس کے بعد بھی اس کے بدن پر کوئی گندگی رہ جائے گی ؟! (یقینا کچھ گندگی نہیں رہے گی ) اسی طرح ہے خدا کی قسم پانچ وقت کی نمازيں میری امت کے لئے ۔

یعنی پانچ وقت کی نمازیں میری امت کے گناہوں کو ختم کر لیتی ہے ۔

ایک اور روایت میں آیت کریمہ کی تفسیر میں امام صادق علیہ السلام سے نقل ہے کہ آپ (ع )نے فرمایا : «صَلَاةُ الْمُؤْمِنِ بِاللَّيْلِ تَذْهَبُ بِمَا عَمِلَ مِنْ ذَنْبٍ بِالنَّهَارِ»؛ رات کی نمازیں مومن کی دن کی  گناہوں کو ختم کر دیتی ہے ۔

نتیجہ یہ ہےکہ توبہ کے علاوہ ، صحیح وضو کے ساتھ پانچ وقت کی نمازیں بھی ، ان گناہوں کو جو حق الناس سے مربوط نہ ہو ختم کر دیتی ہیں ۔

ان دلائل کی بناء پر ہر انسان پر واجب ہےکہ خداوند متعال نے جو حکم دیا ہے اسی کے مطابق نماز پڑھے ، تا کہ کثافتوں سے نجات ملے اور قرب خداوند کا مقام اور کمال آفرینش الہی کے نزدیک ہو جائے ۔

جواب : کسی کا گناہکار ہونا اور اس گھر میں کسی بچہ کی پیدایش خداوند متعال کی عدالت سے کوئی ربط نہیں رکھتا ہے ، خداوند متعالی نے  اپنے تمام بندوں کو اچھے اور برے دونوں راستے کو دیکھا دیا ہے اور انسانوں کی راہنمائی کے لئے پیغمبروں کو بھیجا ہے اور پیغمبر اکرم صلی اللہ علیہ و آلہ و سلم کے بعد ان کے بر حق جانشینوں  اور زمان غیبت میں مراجع عظام اور علماء معصومین علیہم السلام  کی پیروی کرتے ہوئے اچھے اور برے کو لوگوں کے لئے بیان کرتے ہیں ، اس کے علاوہ خود خدا نے بھی انسان کے اندر عقل کو قرار دیا ہے کہ جس کی مدد سے انسان اچھے اور برے کی خود تمیز کر سکتا ہے ، اور خداوند متعال نے بشر کی ہدایت کے لئے کوئی کمی نہیں چھوڑی ہے  ، اب اگر کوئی انسان ان تمام ہدایت اور سعادت کے راستوں کو چھوڑ دیں اور روشن اور مستقیم راستہ سے بھٹک جائے اور انحراف اور گمراہی کی طرف چلا جائے ،تاریکی اور اپنی ہلاکت کی طرف چلا جائے تو ایسے گھرانہ میں کوئی بچہ پیدا ہوجائے تو یہ خدا کے عدالت سے کوئی ربط نہیں رکھتا ہے ؟خداوند متعال نے ہدایت کے اسباب کو سب کے  اختیار میں قرار دیا ہے ، اب ایک انسان اس سے استفادہ کرتا ہے اور خود کو اپنی فطرت کی راہ پر قرار دیتا ہے ، اور ایک نفر گمراہی پر چلا جاتا ہے ،ہر کوئی اپنی اختیار سے جسے خدا نے اسے قرار دیا ہے چلتاہے ، ضمنا اس طرح کے گھرانوں میں جو بچہ پیدا ہوتا ہے وہ اپنی سرنوشت کو خود بدل سکتا ہے اور پاکیزہ گی اور سعادت کی طرف آسکتاہے ۔

بہر حال اس بہن کے مشکل کے بارے میں آپ کو جو ہم بتا سکتے ہیں وہ یہ ہے کہ :

دنیا میں صرف یہ نہیں ہے جو مشکلات میں ہو ، بلکہ اس دنیا میں ہر کوئی اپنے حساب سے مشکل اور پریشانی میں مبتلاء ہیں ، ان پریشانیوں کی وجہ کیا ہے ؟ قرآن کریم کی آيات اور اہل بیت عصمت علیہم السلام کی روایات کے مطابق مومنین کے لئے جو پریشانیاں آتی ہے وہ یا خود ان کے جہالت اور اس کام کے عواقب سے بے خبری کی وجہ سے ہے ، یا یہ خدا کا امتحان ہے ، یا اس کے معنوی درجات کو اوپر لے جانے کے لئے ہے ،ان میں سے ہر ایک کی مختصر تشریح یہ ہے :

الف:کبھی انسان کچھ خطا اور غلط کاموں کا مرتکب ہوتا ہے جس کے نتیجہ میں دنیا کی زندگی میں اسے پریشانیاں پیدا ہوتی ہے ، ہر گناہ کے اپنے خاص اثر اور  نتائج ہے ، کچھ گناہوں کی وجہ سے انسان فقیر ہوتا ہے ، اسی طرح  دوسرے گناہوں کے اپنے اپنے خاص برے نتائج ہیں ، جیسا کہ امام علی علیہ السلام دعا کمیل میں فرماتا ہے :«اللَّهُمَّ اغْفِرْ لِيَ الذُّنُوبَ الَّتِي تَهْتِكُ الْعِصَمَ اللَّهُمَّ اغْفِرْ لِيَ الذُّنُوبَ الَّتِي تُنْزِلُ النِّقَمَ اللَّهُمَّ اغْفِرْ لِيَ الذُّنُوبَ الَّتِي تُغَيِّرُ النِّعَمِ اللَّهُمَّ اغْفِرْ لِيَ الذُّنُوبَ الَّتِي تَحْبِسُ الدُّعَاءَ اللَّهُمَّ اغْفِرْ لِيَ الذُّنُوبَ الَّتِي تُنْزِلُ الْبَلَاءَ‏»؛خدایا میرے گناہوں کو بخش دے جو ناموس کو بٹہ لگادیتے ہیں۔ان گناہوں کو بخش دے جو نزول عذاب کا باعث ہوتے ہیں۔ ا ن گناہوں کو بخش دے جو نعمتوں کو متغیر کر دیا کرتےہیں ۔ان گناہوں کو بخش دے جو دعاوٴں کو تیری بارگاہ تک پھنچنے سے روک دیتے ہیں ان گناہوں کو بخش دے جو امیدوں کو منقطع کر دیتے ہیں۔ان گناہوں کو بخش دے جو نزول بلاء کا سبب ہوتے ہیں۔اور یہ سب پریشانیاں بھی اس لئے ہے تا کہ اس کے گناہوں کا کیفر ہو ، چونکہ خداوند متعال اپنے مومن بندہ کو پسندکرتا ہے تو بعض گناہوں کے سلسلے میں اسے گرفتار کرتا ہے تا کہ اس کے گناہ کا سزا اسے اسی دنیا میں ملے ،اور آخرت میں  اس کا بوجھ کم ہو ، اور یہ خود خدا کا اپنے مومن بندہ کے لئے لطف اور رحمت ہے ، لیکن جو شخص مورد غضب قرار پاتا ہے وہ اکثر و بیشتر کسی مصیبت میں مبتلاء ہونے کے بجائے اس کی نعمت کو زیادہ کیا جاتا ہے تا کہ آخرت میں اسے دردناک عذاب میں مبتلاء کرے ۔

ب۔  کچھ پریشانی کبھی خدا کی طرف سے امتحان اور آزمائش کے لئے ہے،خدا کے ثابت قوانین میں سے ایک یہ ہے کہ مومنین کو آزمائش میں ڈال دیتے ہیں ، جیسا کہ قرآن کریم کی بہت ساری آیات میں اس مسئلہ کی طرف اشارہ فرمایا ہے ، نمونہ کے طور پر سورہ آل عمران کی آیت 186 ملاحظہ فرمائيں:«لَتُبْلَوُنَّ في‏ أَمْوالِكُمْ وَ أَنْفُسِكُمْ وَ لَتَسْمَعُنَّ مِنَ الَّذينَ أُوتُوا الْكِتابَ مِنْ قَبْلِكُمْ وَ مِنَ الَّذينَ أَشْرَكُوا أَذىً كَثيراً وَ إِنْ تَصْبِرُوا وَ تَتَّقُوا فَإِنَّ ذلِكَ مِنْ عَزْمِ الْأُمُورِ»؛"یقیناً تم اپنے اموال اور نفوس کے ذریعہ آزمائے جاؤ گے اور جن کو تم سے پہلے کتاب دی گئی ہے اور جو مشرک ہو گئے ہیں سب کی طرف سے بہت اذیت ناک باتیں سنو گے – اب اگر تم صبر کرو گے اور تقویٰ اختیار کرو گے تو یہی امور میں استحکام کا سبب ہے"۔سورہ بقرہ آیت 155 میں فرماتا ہے:«و لَنَبْلُوَنَّكُمْ بِشَيْ‏ءٍ مِنَ الْخَوْفِ وَ الْجُوعِ وَنَقْصٍ مِنَ الاَمْوالِ وَالأَْنْفُسِ وَ الثَّمَراتِ وَ بَشِّرِ الصَّابِرِينَ»؛"اور ہم یقیناً تمہیں تھوڑے خوف تھوڑی بھوک اور اموال و نفوس اور ثمرات کی کمی سے آزمائیں گے اور اے پیغمبر آپ ان صبر کرنے والوں کو بشارت دے دیں"۔سورہ عنکبوت آیت 2 اور 3میں فرماتا ہے :«أحسب الناس أن يتركوا أن يقولوا آمنا و هم لا يفتنون»۔کیا لوگوں نے یہ خیال کر رکھا ہےکہ و ہ صرف اتنا کہنے سے چھوڑ دے جائيں گے کہ ہم ایمان لائے اور یہ کہ وہ آزمائے نہیں جائیں گے ، اور بتحقیق ہم ان سے پہلوں کو بھی آزماچکے ہیں کیونکہ اللہ کو بہر حال یہ واضح کرنا ہے کہ کون سچے ہیں اور یہ بھی ضرور واضح کرنا ہے کہ کون جھوٹے ہیں "۔پس یقینا خدا وند متعال مسلمانوں کو بھی آزمائے گا،اور اس وقت معلوم ہو گا کہ کون سچے ایماندار ہیں اور کون جھوٹا ایمان کا دعویدار ہے ، البتہ خدا کے آزمائش کا کوئی خاص چارچوب نہیں ہے بلکہ ہر کسی کا اس کے روحی حالات کے مطابق آزمائش میں ڈالا جاتا ہے اور اس کا امتحان ہوتا ہے ، لہذا ایک اور آیت میں فرماتا ہے :«وَنَبْلُوكُمْ بِالشَّرِّ وَ الْخَيْرِ فِتْنَةً وَ إِلَيْنا تُرْجَعُونَ»(انبياء: 35)، اور ہم امتحان کے طور پر برائی اور بھلائی کے ذریعے تمہیں مبتلا کرتے ہیں اور تم پلٹ کر ہماری ہی طرف آو گے"۔

خداکے امتحان اور آزمائش کی حکمت کیا ہے ؟ اگرچہ خداوند متعال تمام کاموں سے آگاہ ہے، لہذا بندوں سے جو امتحان لیا جاتا ہے وہ ان چیزوں کے بارے میں جہالت کو ختم کرنے کے لئے نہیں ہے ، لیکن خالص مومنوں کے شایستگی اور لیاقت کو ظاہر کرکے دوسروں کو دیکھانے  اور ان کے اندورنی استعداد کو ظاہر کرنے کے لئے ان کا امتحان لیا جاتا ہے ۔

مومن انسان کو خالص کرنا اور اس کے ایمان کا جوہرہ آشکار ہونا خدا کے امتحان اور آزمائش کے حکمتوں میں سے ایک ہے ۔جس طرح سنہار سونے کو آگ میں ڈال دیتا ہے تا کہ اس کے کچرے آگ میں ختم ہو جائے اور خالص سونا مل جائے ، خداوند متعال بھی مومن انسانوں کو غم و اندوہ اور گرفتاریوں میں ڈال کر اس کے ایمان کو خالص کرا لیتا ہے ، اسی طرح سچے مومن اور صرف  مومن ہونے کے دعویدار انسانوں کو الگ الگ کرنا بھی خدا کے امتحان اور آزمائش کی حکمتوں میں سے ایک ہے ، جیسا کہ حضرت  علی                          فرماتے ہیں :«لَا بُدَّ لِلنَّاسِ مِنْ أَنْ يُمَحَّصُوا وَ يُمَيَّزُوا وَ يُغَرْبَلُوا وَ يُسْتَخْرَجُ فِي الْغِرْبَالِ خَلْق»؛، "لوگ خالص ہونا چاہئے اور ان کا امتحان ہونا چاہئے اور اچھے اور برے الگ ہونا چاہئے " لہذا مومنین ان کے ایمان کے مرتبہ اور روحی حالت کے مطابق خدا کے سخت امتحانات واقع ہوتا ہے اور کوئی یہ نہ سوچے کہ ایمان کا راستہ ہمیشہ سرسبز باغوں سے گزرتا ہے اور با ایمان افراد اس طولانی سفر میں صرف پھولوں کے پتوں پر قدم رکھتے ہیں یہ فکر اور سوچ ایمان اور دین کی ماہیت سے بے خبری کی علامت ہے ، شاید یہی سوچ اور فکر تھی کہ مکہ میں بعض مسلمانوں کے افکار میں رخنہ ڈالا تھا کہ ہم کب تک خدا واحد پر ایمان رکھنے کے جرم میں ظلم و ستم میں پستے رہیں ؟خداوند متعال نے ان کے ذہنوں سے اس فکر کو ختم کرنے کے لئے ذیل کی ان آیات کو نازل فرمایا:«أَ حَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَ هُمْ لا يُفْتَنُونَ وَ لَقَدْ فَتَنَّا الَّذينَ مِنْ قَبْلِهِمْ فَلَيَعْلَمَنَّ اللَّهُ الَّذينَ صَدَقُوا وَ لَيَعْلَمَنَّ الْكاذِبينَ»(عنكبوت/2-3)؛ کیا لوگوں نے یہ خیال کر رکھا ہےکہ و ہ صرف اتنا کہنے سے چھوڑ دے جائيں گے کہ ہم ایمان لائے اور یہ کہ وہ آزمائے نہیں جائیں گے ، اور بتحقیق ہم ان سے پہلوں کو بھی آزماچکے ہیں کیونکہ اللہ کو بہر حال یہ واضح کرنا ہے کہ کون سچے ہیں اور یہ بھی ضرور واضح کرنا ہے کہ کون جھوٹے ہیں "۔

گویا یہی غلط افکار کہ ایمان لانے کے بعد پھر کوئی مشکل پیش نہیں آنی چاہئے ، مدینہ میں بھی مسلمانوں کے ذہنوں میں بھی پیدا ہوئے تھے کہ خداوند متعال نے ان کے اس غلط اور عقیدہ کو باطل قرار دینے کے لئے یوں فرمایا :«أَمْ حَسِبْتُمْ أَنْ تَدْخُلُوا الْجَنَّةَ وَ لَمَّا يَأْتِكُمْ مَثَلُ الَّذينَ خَلَوْا مِنْ قَبْلِكُمْ مَسَّتْهُمُ الْبَأْساءُ وَ الضَّرَّاءُ وَ زُلْزِلُوا حَتَّى يَقُولَ الرَّسُولُ وَ الَّذينَ آمَنُوا مَعَهُ مَتى‏ نَصْرُ اللَّهِ أَلا إِنَّ نَصْرَ اللَّهِ قَريب‏»(بقره: 214)؛ کیا تم خیال کرتے ہو کہ یونہی جنت میں داخل ہو جاؤ گے حالانکہ ابھی تمہیں اس قسم کے حالات پیش نہیں آئے جو تم سے پہلوں کو پیش آئے تھے؟ انہیں سختیاں اور تکالیف پہنچیں اور وہ اس حد تک جھنجھوڑے گئے کہ (وقت کا) رسول اور اس کے مومن ساتھی پکار اٹھے کہ آخر اللہ کی نصرت کب آئے گی؟(انہیں بشارت دے دی گئی کہ) دیکھو اللہ کی نصرت عنقریب آنے والی ہے۔

جنگ احد کے بعد جس میں مسلمانوں کے بہت سارے نقصانات ہوئے اور زخمی بھی ہوئے اور 70 بہت ہی اچھے جنگنجو اور فوج کے سپہ سالار شہید ہوئے (ایسے حالت میں ، یہ بیان کرنے کے لئے کہ ایمان اور دینداری میں مشکلات ہے ) خداوند متعال نے اس آیت کریمہ کو نازل فرمایا :«أَمْ حَسِبْتُمْ أَنْ تَدْخُلُوا الْجَنَّةَ وَ لَمَّا يَعْلَمِ اللَّهُ الَّذينَ جاهَدُوا مِنْكُمْ وَ يَعْلَمَ الصَّابِرينَ»(آل عمران:142)؛کیا تم (لوگ) یہ سمجھتے ہیں کہ جنت میں یونہی چلے جاؤ گے حالانکہ ابھی اللہ نے یہ دیکھا ہی نہیںکہ تم میں سے جہاد کرنے والے اور صبر کرنے والے کون ہیں؟بہر حال خدا کے آزمایش کا باب ایک مفصل باب ہے اور اس کی حکمتیں بھی بہت زیادہ ہیں اور خدا ہر بندہ کو ایک خاص انداز سے آزمايش میں قرار دیتا ہے ، چنانچہ پیغمبران الہی سخت امتحان اور آزمایش میں واقع ہوتے تھے ۔

ج- اجر کوزیادہ کرنا اور روحانی انعام:کبھی پریشانیاں اور امتحانات الہی اس لئے ہے کہ خداوند مومن انسانوں کو امتحان میں ڈال دیتا ہے تا کہ وہ ان پر صبر کرے اور اس کے روحانی درجات کو بلند کرے ، اس بارے میں عبد الرحمن سے ایک روایت نقل ہے جس میں فرماتے ہیں :«عَنْ عَبْدِ الرَّحْمَنِ بْنِ الْحَجَّاجِ قَالَ ذُكِرَ عِنْدَ أَبِي عَبْدِ اللَّهِ(ع) الْبَلَاءُ وَ مَا يَخُصُّ اللَّهُ عَزَّ وَ جَلَّ بِهِ الْمُؤْمِنَ فَقَالَ سُئِلَ رَسُولُ اللَّهِ ص مَنْ أَشَدُّ النَّاسِ بَلَاءً فِي الدُّنْيَا فَقَالَ النَّبِيُّونَ ثُمَّ الْأَمْثَلُ فَالْأَمْثَلُ وَ يُبْتَلَى الْمُؤْمِنُ بَعْدُ عَلَى قَدْرِ إِيمَانِهِ وَ حُسْنِ أَعْمَالِهِ فَمَنْ صَحَّ إِيمَانُهُ وَ حَسُنَ عَمَلُهُ اشْتَدَّ بَلاؤُهُ وَ مَنْ سَخُفَ إِيمَانُهُ وَ ضَعُفَ عَمَلُهُ قَلَّ بَلَاؤُهُ»؛ «، عبد الرحمن ابن حجاج کہتا ہے : میں امام صادق  علیہ السلام کی خدمت میں شرفیاب ہواتھا ان کے حضور میں سختیوں اور خدا کا مومن بندوں کے امتحان کرنے کی بات ہوئی ، تو آپ علیہ السلام نے فرمایا : رسول اکرم صلی اللہ علیہ و آلہ وسلم سے پوچھا گیا :دنیا میں کس کا امتحان زیادہ سخت ہے ؟ فرمایا:پیغمبروں کا ، ان کے بعد ہر وہ جو ان کے جیسے ہیں (اوصیاء) اور ان کے بعد مومن  کا اس کے ایمان کے اندازہ سے اور کردار کے اچھے ہونے کے لحاظ سے بلاوں میں گرفتار ہوتے ہیں ، پس جس کا بھی ایمان صحیح ہو اور کردار نیک ہو اسی اندازہ سے اس کا امتحان سخت ہوتا ہے اور جس کا ایمان ضعیف ہو اس کی گرفتاری اور امتحان کم ہو گا "ایک اور روایت میں ہے :«عَنْ أَبِي عَبْدِ اللَّهِ ع قَالَ إِنَّمَا الْمُؤْمِنُ بِمَنْزِلَةِ كِفَّةِ الْمِيزَانِ كُلَّمَا زِيدَ فِي إِيمَانِهِ زِيدَ فِي بَلَائِه»؛امام صادق علیہ السلام سے روایت ہے کہ فرماتے ہیں :مومن مومن ترازو کے دو پلڑوں کے مانندہے جتنا ایمان میں اضافہ ہو گا اتنا بلا و مصیبت میں بھی اضافہ ہو گا"امام صادق علیہ السلام نے فرمایا: خداوند متعال اپنے اچھے بندوں کو بلا اور مصیبت میں گرفتار کرتا ہے تا کہ اس طرح سے وہ بغیر کسی گناہ کے اجر اور ثواب عنایت فرمائے ، ایک اور حدیث میں پیغمبر اکرم صلی اللہ علیہ و آلہ وسلم سے یوں نقل ہے : «إِنَّ الرَّجُلَ لَيَكُونُ لَهُ الدَّرَجَةُ عِنْدَ اللَّهِ لَا يَبْلُغُهَا بِعَمَلِهِ يُبْتَلَى بِبَلَاءٍ فِي جِسْمِهِ فَيَبْلُغُهَا بِذَلِكَ»؛انسان کے لئے خداوند متعال کے نزدیک درجہ اور مقام ہے کہ انسان اپنے عمل کے ذریعہ اس درجہ تک فائز نہیں ہو سکتا ( اس کا عمل کم ہے) لہذا خداوند اس کے بدن کو مصائب اور امراض میں گرفتار کرتا ہے اور اس کے ذریعہ وہ اس مقام تک پہنچ جاتا ہے "اسی طرح کی ایک اور روایت امام صادق علیہ السلام سے روایت ہے کہ فرماتے ہیں :«عَنْ أَبِي عَبْدِ اللَّهِ(عليه السلا م) قَالَ إِنَّ فِي الْجَنَّةِ مَنْزِلَةً لَا يَبْلُغُهَا عَبْدٌ إِلَّا بِالِابْتِلَاءِ فِي جَسَدِهِ».

اب جو مطالب بیان ہوئے ان کے مطابق آپ خود خدا کے نزدیک اچھے اور باعزت شخصیات جیسے پیغمبران اور آئمہ اور سارے مومن بندوں کے بارے میں غور و فکر کریں؛ جو مشکلات اور پریشانیاں دنیا میں ان کے لئے پیش آئے ہیں اگر کسی اور کے لئے ہوتے تو ان کے لئے ان کو تحمل کرنا اور برداشت کرنا بہت ہی سخت تھا ، آئمہ علیہم السلام کی زندگی پر توجہ دیں کہ ان کے لئے کتنی پریشانیاں تھیں ، خصوصا کربلا کے واقعہ کی طرف توجہ دیں کتنے مصائب اس خاندان پر آئے ، لیکن ان تمام مصائب کے باوجود کربلا کے صبر کے قہرمان یعنی حضرت زینب سلام اللہ علیہا  نے نہ صرف کوئی اعتراض نہیں کیا بلکہ فرمایا:«ما رأيت إلا جميلا»؛« میں نے خدا سے اچھائی کے علاوہ کچھ نہیں دیکھا ہے »حتی گیارہ محرم کو بھی تمام بھائيوں اور عزیزوں کے شہادت کے بعد بھی نماز تہجد کو ترک نہیں کیا ،اب آپ خود سوچیں کہ آپ کی پریشانیاں شاید امتحان الہی ہو ، یا اس میں کچھ دوسرے جہات ہوں، اور بعض روایات کے مطابق ، خداوند متعال کبھی اپنے بندہ کی اچھائی کو اسی میں دیکھتا ہے کہ وہ دنیا میں بلا و گرفتاری میں رہے  اس صورت میں اس کی حکمت کا تقاضا یہی ہے کہ اسے امتحان میں ڈال دیں ،ان سب کا نتیجہ یہ ہے کہ آپ اس بہن سے بتا دیں :مومن کبھی بھی خدا کی رحمت سے ناامید نہیں ہوتا ہے ، اور کبھی بھی زندگی کو اپنے لئے سخت نہیں دیکھتا ہے ، بلکہ خدا کی رضایت پر راضی ہوتا ہے ، دنیا ، امتحان کی جگہ ہے اور اس میں پیش آنے والی پریشانیاں اور مشکلات مومن کے گناہوں کو بخشنے کا یا بلند درجات تک فائز ہونے کا وسیلہ ہے ، اس بہن کو بھی ناامید نہیں ہونا چاہئے ،بے صبری کو اپنے آپ سے دور کریں ، تمام کاموں کو خدا کے سپرد کرے اور خدا پر توکل کریں اور خدا کو محور قرار دیتے ہوئے اپنے مشکلات کو ختم کرنے کے لئے کوشش کریں ، زیادہ سے زیادہ دعا پڑھیں، قرآن کی تلاوت کرے ، واجبات کو بجا لائے اور محرمات کو ترک کرے ، دوسروں کو اذیت پہنچانے اور حرام مال کھانے سے اجتناب کرے ، ان شاء اللہ خداوند ان کی مشکلات کو رفع کرے گا اور سب کو صحیح ہو جائے گا ۔

نماز کے علاوہ شہادت ثالثہ یا دوسرے الفاظ میں امیر المومنین (ع) کی ولایت کی گواہی کے بارے میں روایات میں تاکید ہوئی ہے ۔

لیکن نماز میں اگر یہ اذان اوراقامہ میں ہوتوقصد قربت کی نیت سے اچھا ہے ایسا پڑھا جائے ، یعنی اگرچہ یہ اذان اور اقامہ کا جزء نہیں ہے لیکن اگر قصد قربت کے عنوان سے اسے پڑھے تو اچھا کام کیا ہے اگرچہ اذان اور اقامہ میں اس کا مستحب ہونا حضرت آیت اللہ العظمی فاضل لنکرانی کے ثابت نہیں ہوا ہے

اگرچہ سحر اور جادو کچھ حد تک واقعیت رکھتا ہے لیکن ہر کام کو اور شادی کے اسباب مہیا نہ ہونے کو سحر اور دعا سے نسبت دینا صحیح نہیں ہے ، بلکہ ممکن ہے کچھ دوسرے اسباب جیسے خداوند متعالی کا امتحان اور آزمايش ہو ، یا خود انسان کے بعض رفتار ، کردار اور گفتار کی وجہ سے بھی ہو یا اس میں کچھ اور مصلحت اور حکمت پوشیدہ ہو۔

لیکن اس کے باوجود بھی اگر سحر اور جادو سے ڈرتی ہو تو زیادہ سے زیادہ قرآن کی تلاوت کریں ، خصوصا آیت الکرسی اور چہار قل یعنی :«قل هو الله أحد..»، « قل أعوذ برب الناس..»، « قل أعوذ برب الفلق..» و « قل یا أیها الکافرون » کو پڑھيں اور مفاتیح الجنان میں سحر اور جادو کے باطل  کرنے کےلئے نقل ہیں انہیں پڑھ لیں ۔

اورخدا آپ کے  شادی کے زمینہ فراہم  کرے اور مناسب منگیتر آجائے ، چند جمعہ نماز حضرت زہرا (سلام الله علیها ) کو اسی نیت سے پڑھ لیں اور زیادہ دعا کریں اور قرآن کی زیادہ تلاوت کیا کرے ، ان شاء اللہ شادی کا زمینہ فراہم ہو گا ۔

اسی طرح اس عمل کو بھی بجا لائیں کہ کسی بزرگ نے تعلیم فرمایا ہے ۔

نمازوں ، خصوصا نماز صبح کو اول وقت میں پڑھ لیا کریں ، نماز صبح کے بعد ہاتھوں کو سینہ پر رکھیں اور ستر مرتبہ «يا فتّاح» پڑھ لیں ، اس کے بعد 110 مرتبہ صلوات پڑھيں ، اور جب بھی فکری لحاظ سے مشکل پیش آئے «لا حول و لا قوّة الّا بالله» کو زیادہ پڑھا کریں ، اور اس کو چالیس دن تک انجام دیتے رہیں ، ان شاء آپ کا مشکل حل ہو جائے گا ۔