Bismilləhir-Rahmənir-Rahim

Salamun aleykum

Cavab) Möhtərəm xanım, bütün bu çətinliklərə baxmayaraq sizin, Allah-taalanı düşünüb: olmaya Onun qəzəbinə səbəb olacaq bir işi edə biləcəyinizdən nigaranlıq hissi keçirməyiniz, həqiqətən, çox sevindirici bir haldır. Bu dünyada hər bir insanın müəyyən nöqsanları vardır, günahsız və nöqsansız insanlar bizim məsum imamlarımız (əleyhimussəlam)- dır. Hər bir kəs, hər nə qədər pisliklər və nöqsanları özündən uzaqlaşdırarsa, bir o qədər Allaha və Əhli-Beytə (əleyhimussəlam) yaxınlaşar. Bunu bilin, ananızın fikir tərzi, sizin fikriniz kimi ola bilməz. Siz indiki zamanda böyümüsünüz, amma ananız sizdən qabaqkı bir dövrdə böyüyübdür. İnsan hər bir mühitdə yaşayıb öz cavanlıq dövranını o mühitdə başa vurursa, bu, insanın mənəvi keyfiyyətini və əhvali-ruhiyyəsini müəyyən edən etik normaların formalaşmasında çox böyük təsir qoyur. Çalışın, insanlarda gördüyünüz hər növ pisliklər üçün mümkün qədər müəyyən bir cəhət və səbəb tapasınız, onları dərk edəsiniz. Sizin ananız, sizinlə hər cür rəftar etmiş olsa belə, yenə sizin ananızdır və onun ehtiramını riayə tetmək sizin vəzifənizdir. Olmaya onunla tünd və kobud rəftar edəsiniz. Hər zaman onun rəftarından narahat olub qüssələndiz, iki rükət namaz qılın, Rəbbinizə ürəyinizi açıb danışın və İmami- Zaman (əleyhissəlam)- dan kömək alın, kədərinizi və çətinliklərinizi o həzrətə deyin. Ola bilsin Allah-taala sizə xüsusi nəzər yetirsin, qəlbinizi Öz məhəbbəti ilə elə doldursun ki, bir daha başqalarının tünd rəftarından narahat olmayasız və bu kimi məsələlərlə bağlı rahatcasına güzəşt edəsiz. Bunu da bilin ki, Allah-taalanın yanında bu söylədiklərinizin müqabilində səbr etməyinizin çox böyük əcri vardır.

Eyni halda, əgər təsiri olacağına ehtimal edirsizsə, onun bədəxlaqlığının kökünü araşdırın və bəzi ruhanilərdən söz eşidə bilirsə, öz çətinliyinizi o ruhaniyə söyləyin ki, ananıza, doğru yol göstərib islah olmasında kömək olsun.

Ümidvaram, həzrət Əbul-həsən imam Əli ibni Musər-Rzanın (əleyhiməssəlam) xüsusi inayəti sizə şamil olsun.

Şaxisdən istifadə etmək təbii bir vasitədir. Amma bir şəxs saat vasitəsi ilə ya zamanla uyğun gələn hansısa dəqiq bir vasitə ilə namazın vaxtını və namazın fəzilətli vaxtlarını təyin edə bilirsə ondan bəhrələnməyin və istifadə etməyin heç bir eybi yoxdur.

Buna əsasən əgər saatın vasitəsi ilə namazın dəqiq vaxtı təyin olunursa, zöhrün vaxtın saatla təyin edib namaz qıla bilər. Amma əgər saatla vaxtı dəqiq təyin edə bilmirsinizsə şaxisin vasitəsi ilə zöhr namazının vaxtını təyin edin.

Böyük alimlərin rəyinə əsasən istixarə “xeyir tələb etmək” yaxud “düzgün yol” mənasındadır. İnsan bir iş barəsində məsləhət etməklə yaxud fikir yürüdməklə bir yerə çatmadığı təqdirdə, Allahdan istəyir düzgün yolu ona göstərsin.

İnsan gərək işlərində əvvəlcə məsləhətləşib araşdırma aparsın, əgər bir nəticə əldə etməsə o vaxt istixarə etdirə bilər. Istixarəni elə adam etməlidir ki, Quran ayələrinin işarə və məzmunundan agah olub, istixarənin yaxşı və ya pis.olduğunu başa düşsün.

İstixarə pis gəldiyi təqdirdə ona əməl etmək vacib deyil, amma yaxşıdır, istixarənin məzmunu ilə müxalifət etməsin.

Buna görədə əgər istixarəni düzgün etdirmiş olsanız yaxşıdır ki, onunla müxalifət etməyəsiniz. Bir müddət səbr edin, ta əvvəlki istixarəni nə üçün etdirmisinizsə həmin hadisədə bir dəyişiklik yaransın və sonradan o dəyişikliyə görə yenidən istixarə edin. Bu niyyətlə ki artıq ilk dəfə hansı iş üçün istixarə etmişdiniz. Misal olaraq pis gəlmişdirsə və həmin işdə artıq dəyişiklik yaranıb indi itəyirsiniz Allahla məşvərət edəsiniz ki - indi necə, bu işdə dəyişiklik yaranandan sonra da bu iş yaxşıdır ya yox?- bu zaman siz ikinci istixarəni edə bilərsiniz.

Əgər məsləhət və təhqiqat yolu ilə belə nəticəyə çatırsınız ki, ikinci işiniz yaxşıdır, o işə başlaya bilərsiniz.

Əgər oruc tutarkən özün də oruc tutmağın sənə zərər olmasını hiss edirsənsə, o zaman özünə zərər vurmamalısan .Həmçinin əgər mömin və dindar bir həkim sizə orucun zərərli olduğunu deyirsə, sizdə onun sözünə inam yaranırsa yenə də tutmamalısınız. Amma dinə bağlı olmayan bir doktor deyirsə, onun sözunə inanmaq lazım deyildir. Bir sözlə təyin etmək insanin və oruc tutanın özü ilədir. Əgər dəqiq bilə ki, onun üçün zərəri var, ya qorxa ki, oruc tutmağının ona zərəri olar o zaman oruc tutmaq onun üçün vacib deyildir. Əgər zərər olduğu halda oruc tutsa düzgün deyil və batildir.