Ayətullah üzma Fazil Lənkəraninin (Allah ona rəhmət eləsin) nəzərinə əsasən tibb spirti məstedici deyil , bu nəzər onun üçün və onun müqəllidləri (ona təqlid edənlər) üçün, tibb spirtinin məstedici olmasına yəqinlik tapılmayana qədər höccətdir.

  Əgər bir nəfər yəqin edə tibb spirtinin tərkibi axıcı və məstedicidir onda o nəcisdir və onunla namaz qıla bilməz.

  Məhz buna görə əgər sizin yəqininiz olsa ki, tibb spirti məstedicidir sizin üçün nəcisdir və onunla namaz qıla bilməzsiniz. Lakin tibb spirtinin məstedici olduğunu bilmədiyiniz halda onunla indiyə qədər qıldığınız namazlarınız düzdür. 

Bismillahir-Rahmənir-Rahim

Salamun aleykum

Bu suala cavab olaraq bir neçə məsələyə diqqət edilməlidir:

1-Bu ki, deyilir "nə üçün müəyyən bir məntəqədə peyğəmbərlər çox olmuşlar?" Yaxud "müəyyən bir məntəqədə peyğəmbərlər gəlmişlər", bu məsələ İlahi məsləhətə əsasəndir, yəni "Allah-təala Özü daha gözəl bilir ki, peyğəmbərlərini harada təyin buyursun." Eləcə də insanların xüsusi istedadları və ləyaqətləri ilə də bağlıdır. Sözsüz ki, məntəqələr və diyarlar da öz növbəsində istedadların yüksəlişində təsirlidirlər. Hazırda da deyilir ki, şərq, ürfan və işraq diyarıdır.

2-Doğrudur, "Ulul-Əzm" (şəriət sahibi olan) peyğəmbərlər asiya və yaxın şərq ölkələrindən olmuşlar, amma tarixçilərin arasında bütün peyğəmbərlərin yaxın çərqdə zühur etmələri barəsində nəzər ixtilafları vardır. Bəziləri deyir ki, bütün peyğəmbərlər yaxın şərqdə zühur etməmişlər, ona görə ki, peyğəmbərlər müəyyən bir ölkəyə və ya millətə xas deyillər. İslam nəzəriyyəsinə əsasən bütün ümmətlərin özlərindən peyğəmbərləri olmuşdur. Qurani-Kərim buyurur:

”و لقد بعثنا فی کلّ أمة رسولاً أنِ اعبدواالله و اجتنبوا الطاغوت"

"Hər bir ümmətə peyğəmbər göndərdik (xalqa desinlər) ki, Allaha ibadət edin və bütlərdən uzaq olun."

Həmçinin, bəzi torpaqlarda heç bir peyğəmbərin olmaması və peyğəmbərlərin ancaq Fələstin və Hicaz məntəqələrində olması, özü tarixi baxınmdan isbat edilməmiş bir məsələdir. Qurani-Kərim buyurur:

"و ان من امة الا خلافیها نذیر"

"Bütün ümmətlərdə (insanları pisliklərdən) çəkindirən vardır."

Deməli, Allah-təala tərəfindən insanların hidayəti üçün göndərilmiş xüsusi şəxsiyyətlər (peyğəmbərlər) olmuşdur, lakin biz onları isbat etməyə qadir deyilik.

Bəli, bütün yerlərdə "Ulul-Əzm"  peyğəmbərlərin olması vacib deyildir, belə ki, 124 min peyğəmbər olduğu halda Qurani-Kərim onlardan məhdud şəkildə bəzilərinin adını zikr etmişdir, həmçinin bütün bu peyğəmbərlər beş "Ulul-Əzm" peyğəmbərin dinini təbliğ etmişlər və bu kimi peyğəmbərlər mümkündür bütün torpaqlarda olmuşlar.

Doğrudur, Ulul-Əzm peyğəmbərlər, şəriət və səmavi kitab sahibləri orta və yaxın şərqdə olmuşlar; Nuh peyğəmbər İraqda, İbrahim peyğəmbərin dəvəti İraq və Şam torpaqlarında olmuş və Misr, Hicaza da səfər etmişdir, Musa peyğəmbər də Misrdə dünyaya gəlmişdir.

3-Bəzi müasir yazıçılar əksər peyğəmbərlərin və ya Ulul-Əzm peyğəmbərlərin şərqdə zühur etmələri səbəbini belə izah etmişlər:

"Bəşər cəmiyyətlərinin yaranışı və insan mədəniyyətinin zühuruna diqqət yetirdikdə bu məsələ heç də təəccüblü deyildir. Çünki dünyanın böyük tarixçiləri açıq-aydın bildirirlər ki, şərq aləmi (xüsusən orta və yaxın şərq) insan mədəniyyətinin beşiyidir ki, bu məntəqəni "hilale xəzib", yəni "ay-para şəkilli münbit və bərəkətli torpaqlar" adlandırmışlar.

Misr mədəniyyəti dünyanın ən qədim mədəniyyəti kimi tanınmışdır, İraqda Babul mədəniyyəti, Hicazın cənubunda Yəmən mədəniyyəti, həmçinin İran və Şam vilayətləri mədəniyyəti, bütün bunlar dünya mədəniyyətində tanınmış məntəqələrdir. Bəşər mədəniyyətinin ömrü bu torpaqlarda yeddi min ildən artıq sayılır. Eyni zamanda insan mədəniyyəti ilə peyğəmbərlərin gəlişinin yaxın rabitəsi vardır, çünki mədəni insanlar İlahi dəsturlar və qayda-qanunlara daha çox ehtiyaclıdırlar ki, həm ictimai və hüquqi qanunlara zamin olsunlar, fəsad və təcavüzün qarşısını alsınlar, həm də insanlarda İlahi fitrətin inkişafına çalışsınlar. Ona görə deyirəm ki, bu gün bəşərin, xüsusən də mədəni və inkişaf etmiş ölkələrin məzhəbə ehtiyacları daha çoxdur."

Baxmayaraq ki, sehrin müəyyən qədər həqiqəti vardır, lakin sehrlə hər işi görmək olmaz, eyni zamanda hər bir işi sehrlə əlaqələndirmək düzgün deyildir. Ola bilsin ki, sizin ailənizdə olan rəftarın ayrı səbəbləri vardır və sehrlə heç bir bağlılığı yoxdur. Çalışın belə işlərdə vəsvəsələrdən, şübhələrdən uzaq olun. Belə işlərdə vəsvəsənin özü insanın həyatında problemlər yaradır.

İnsanın ailə ocağını isti və möhkəm edən əsas amillərdən biri, ailədə olan gözəl əxlaq və davranış, sadiqlik və düzgünlükdür. Əgər ailə üzvləri Allaha təvəkkül etsə və öz əlaqələrini Allah-taala ilə möhkəmləndirib əxlaqi keyfiyyət və sədaqətlə bir-birilə yaşasa, yəqininiz olsun ki, heç bir cadugər, sehirbaz onların ailəsini dağıda bilməz.

Buna görə siz çalışın ailədə gözəl əxlaqla rəftar edin və digərlərini də öz əxlaq və rəftarınıza cəzb edin! Sonra onları da gözəl əxlaq və rəftara tövsiyə edin. Ailədə gözəl əxlaqın özü sehri batil edəndir. Hətta demək olar: “Gözəl əxlaq və rəftarın özü başqalarını insana bağlayan bir sehirdir.”

Bununla bərabər əgər sehr və cadudan qorxursunuzsa, sehri batil etmək və onun pisliyindən kənarda qalmaq, onun təsirindən uzaq olmaq üçün aşağıda deyilənlərə əməl edin:

1- Sədəqə verin!

2- Çoxlu quran oxuyun. Məxsusən “Ayətəl kürsü” və əvvəllərində “Qul” kəlməsi gələn – Quranın axırıncı surələri olan Qul huvəllah, Qul əuzu birəbbinnəs, Qul əuzu biərəbbil fələq və Qul ya əyyuhəl kafirun surələrin çox oxuyun! Quran oxumaq sehri batil edir.

3- “Məfatihul-cinan” kitabında sehrin batil olması üçün yazılan duaları oxuyun!

Həmçinin böyük alim və ariflərimizdən bizə gəlib çatan göstərişlərə 40 gün əməl edin, inşaallah heç bir sehir sizə əsər etməz! Vacib namazları xüsusən sübh namazını vaxtında qılın. Sübh namazından sonra sağ əli sinənizə qoyun 70 dəfə “Ya Fəttah” deyin, sonra 110 dəfə salavat zikr edin. Bir gündə 5 dəfə “Ayətəl-kürsünü” oxuyub özünüzə pülüyün.(üfləyin). Hər zaman fikrinizdə narahatçılıq yarandı “La həvlə və la quvvətə illa billah” zikrini deyin. Bu göstərişi çalışın 40 gün davamlı şəkildə tamam ailə üzvləriniz də desin. İnşaallah hər bir çətinliklər aradan gedər. Və sizə də heç bir sehr əsər etməz.

Ayətullah üzma Fazil Lənkəraninin (Allah ona rəhmət eləsin) nəzərinə əsasən ağ spirt və tibdə işlədilən xalis olan tibb spirti pakdır, amma şərab və pivədən alınarsa nəcisdir. Həmçinin spirtdən alınmış və səhiyyə ocaqlarında istifadə edilən digər paklayıcı maddələr də  pakdır. Həmçinin sənayedə işlədilən həmin ağ spirt də zəhərli maddə olmasına baxmayaraq pakdır. Odikalon və spirtdən hazırlanan başqa sənaye maddələri də pakdır. Sözsüz ki, əgər insanı məst edən bir şey ola, belə ki, özü-özlüyündə axıcı olarsa, nəcisdir. Amma çətənə və həşiş kimi axıcı olmayan maddələr, hətta onu axıcı etmək üçün ona su da əlavə etsələr yenə də  pakdır.